الرئيسية
كلمـــــــــــــــــــــــــــات قويه بالحيل والله جابــــــــــــــــــــــــــــــــــها بالصمــــــــــــــــــيم!!!!!!!!!!!!!
كلمات الشاعر عبدالرحمن بن مساعد
المشاهد
الاول
وحدة مزيونة بالحيل.......و حبيبة ...
بس تخون!!!!
وش اسوي بجمالها؟؟
بياخذها الزمان و تبقى عجوز.....
عادي........طاح الحطب.......... و حلوة الحياة
الثاني
ملتزم ......
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر ......
و عنده دش.......و يكذب كثير
و اذا صحى الصبح .....مشط اللحية
عادي........طاح الحطب.......... و حلوة الحياة
الثالث
غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر .......
كلٍ يبهر له........
و مع ذلك يجمع حسنات.......من كثر اللي يسبونه
عادي........طاح الحطب.......... و حلوة الحياة
الرابع
يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي........طاح الحطب.......... و حلوة الحياة
الخامس
مرفوع الكفن أبيض ......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب.......... و حلوة الحياة
السادس
سيارة مسرعة ........
و تدعس لها واحد........
مسكين هندي..........
و العسكري صديق الطايش .......
والخطا نصه على الهندي......
والباقي على أبو الطايش ..........
و في الليل.....الطايش يلعب بلوت
عادي........طاح الحطب.......... و حلوة الحياة
السابع
قارورة مويه ......
ما تضره .......طايحة في السيارة
يناظرها بغضب.......زعلان منها
و يفتح الشباك .....و رماها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي........طاح الحطب.......... و حلوة الحياة
الثامن
اهم شي الثوب نظيف.......و الشماغ مكوي......
و القلم ماركة......والساعة تضوي......
و الجزمة جلد.......والسيارة عجب ......
و تلفونه ما يسكت......
إما بنات.....
أو البنوك تبي فلوسها.......
.عادي........طاح الحطب.......... و حلوة الحياة
التاسع
سطحية .......و مغرورة
غبية......و متكبرة......و يا ريتها حلوة
تبي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
عادي........طاح الحطب.......... و حلوة الحياة
العاشر
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع ........
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز ...........
عادي........طاح الحطب.......... و حلوة الحياة
الأخير
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا .........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر ......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف
إن ذاك اليوم مهو ب عادي
وانت الحطب
و ما به حياة
عدل سابقا من قبل في 2008-02-08, 01:12 عدل 1 مرات
